Bloga

2016ko lehen seihilekoaren itxieran, aurreko urtearekin alderatuz, kooperatiba eta lan sozietateek ematen duten enplegua %6,5ean hazi da.

ANELeko presidente den Igancio Ugaldek azpimarratu du, ekainaren 30ko datan, kooperatiba eta lan sozietateek 10.494 pertsona enplegatzen dituztela, aurreko urteko data berdinean baina %6,5 gehiago, Enplegu eta Gizarte Segurantzako Ministeritzaren datuen arabera.

Informazio gehiago (erderaz)

Iturria: Tulankide

Fiare Banka Etikoak 2016ko ekaineko datarekin urteko lehen sei hilekoaren itxiera plazaratu du, ia 4 milioi eta erdiko irabaziak aurkeztuz.

Fiare Banka Etikoak 2016ko ekaineko datarekin urteko lehen sei hilekoaren itxiera plazaratu du, ia 4 milioi eta erdiko irabaziak aurkeztuz. Aurrezki bilketa eta emandako maileguen kopuruak ere gora egin dute, berankortasun indizea oso baxua izaten jarraitzen duen bitartean. Bestalde, entitatearen indartzera bideraturiko akzioen jaulkipen fase berri bat hasi da, Italiako Burtsako Batzorde Nazionalak (Consob) baimena eman baitio.

Lehen sei hilekoaren itxiera datuak honakoak dira:

-          Irabaziak – 4.490.421 euro (2015/06/31ko 974.000 euroren aldean)

-          Bilketa zuzena – 1.132.289.899 € (+%5,80 2015/06/31 aldean)

-          Zeharkako bilketa, Etica Sgr fondoen bitartez – 471.630.00 € (+%7,90 2015/06/2016 aldean)

-          Inbertsio gordinak – 705.380.000 € (+%3.4 2015/06/31 aldean, eta italiar banka sistemaren +%0,06-ko bataz bestekoaren aldean)

-          Kapital soziala: 55.718.355 € (+%2,5 2015/06/31 aldean)

-          CET1 – %12,35

-          Bezeroak – 50.542

Informazio gehiago (erderaz)

Iturria: REAS

Urtearen lehen seihilekoan Laboral Kutxak 67,7 milioi eurotako irabazi garbiak izan ditu. Honela, %1,1ean areagotu du zerga ondorengo emaitza kontsolidatua, aurreko urtean epe berdinean lortu zuenarekin alderatuz.

Urtearen lehen seihilekoan Laboral Kutxak 67,7 milioi eurotako irabazi garbiak izan ditu. Honela, %1,1ean areagotu du zerga ondorengo emaitza kontsolidatua, aurreko urtean epe berdinean lortu zuenarekin alderatuz. Urtarriletik ekainera bitarte negozio bolumenak %1,6eko igoera izan du, 525 milioi eurotako hazkundea izan duelarik sei hilabeteotan. Gainera, berankortasun tasa %6,51koa izan da,  2012ko apiriletik erregistraturiko mailarik baxuenean hain zuzen ere.

Informazio gehiago (erderaz)

Iturria: Noticias de Gipuzkoa

Akordioa egin dute kooperatibak eta Karrantza Harana ENSk, 30 abeltzaineko elkarteak. Akordio horrek egonkortasuna ekarriko du esne sektorera, eta ekoizpen ehun askotarikoagoa eta iraunkorragoa sustatuko du. Akordio hori bat dator Eroskik eta Eusko Jaurlaritzak EAEko nekazaritzako elikagaien garapenerako 2013an sinatu zuten hitzarmenarekin.

EROSKI eta Karrantza Harana eraldaketarako nekazaritza-sozietateak (ENS) — zeinak 30 abeltzainen familia ustiategi txikiak elkartzen baititu — akordioa egin dutela azaldu zuten, joan den irailaren 7an, EAEn ekoitzitako esnea EROSKI markarekin merkaturatzeko; hala, ekoizpena %100 hemengoa dela bermatuko dute.

Eroskik Eusko Jaurlaritzarekin 2013an sinatu zuen akordioaren haritik dator hitzarmena, tokiko nekazaritzako elikagai industriaren sektorea garatzeko eta horren ekoizpen ehunaren aniztasunari eusteko; horrela, lehen sektoreko esne abeltzaintza asko lagunduko du, Euskal Autonomia Erkidegoko esne abeltzaintzako ustiategiak hobetzea eta handitzea lortuko baita.

Irailaren 7an, Bilboko Euskal Museoan, ekitaldi bat izan zen, akordioa ezagutarazteko eta bertantxe aurkeztu ziren %100 Euskal Autonomia Erkidegoko Esnearen ontzi berriak, hemendik aurrera saltokietan izango direnak hiru bertsiotan: osoa, erdigaingabetua eta gaingabetua. Eroskik eta Karrantzako abeltzainek aurreikusten dute hilabeteko milioi bat litro esne merkaturatzera iritsiko direla.

Ekitaldian, hortxe izan ziren: Eusko Jaurlaritzako Elikagaien Kalitate eta Industriako zuzendaria, Peli Manterola; Bizkaiko Foru Aldundiko Nekazaritza eta Abeltzaintzako zuzendari nagusia, Lucia Isla; Eroskiko Elikaduraren zuzendari komertziala, Beatriz Santos; eta Karrantza Harana ENSko presidentea, Martin Crespo.

Informazio gehiago

Iturria: Eroski

Oinarrik eta Elkargik bat eginda Estatuko lehen EBEa (elkarrekiko berme-elkartea) sortuko dute, 1.100 milioi eurotik gorako arrisku biziarekin eta 15.000 enpresako sozietate-oinarriarekin  Oinarri SGRk ere ontzat eman du Elkargi SGR-rekin bat egiteko prozesua.

Oinarri SGRko Administrazio Kontseiluak aho batez onartu zuen Elkargi SGR-rekin bat egiteko prozesuari ekitea. Bestalde, Elkargi SGRko Administrazio Kontseiluak ere argi berdea eman zion prozesuari. Horrela, bi erakundeok beste urrats bat eman dute, iazko urtearen amaieran 2016rako aliantza komertzialak eta ekonomikoak egitea erabaki zutenetik. 

Bi erakundeotako arduradunen arteko negoziazio zuzenak hasi dituzte,  bi EBE-ek bat egiteko oinarriak finkatu ditzaten. Prozesua amaitzen denean, Oinarri SGRko eta Elkargi SGRko Bazkideen Batzar Nagusiek berretsi beharko dute bat egiteko proiektua.

Modu honetan, Estatuko EBErik handiena sortuko da. Hala, sozietate berriak 1.100 milioi eurotik gorako arrisku biziko saldoa izango du sorreran, eta 15.000 enpresa baino gehiago izango ditu bere sozietate-oinarrian.

“Zorioneko gaude”, azpimarratu zuen Pío Aguirrek, Oinarri SGRko zuzendari nagusiak. Haren ustez, “gure enpresa-sarearen aldeko urrats handia izango da”. Izan ere, “abian jarri nahi dugun EBEa funtsezko tresna izango da ETEak eta autonomoak finantzatzeko, baina enpresa mota guztiei zerbitzua emateko bokazioa izango du, eta kooperatibek eta lan sozietateek osatutako gizarte-ekonomiaren eredua ere sendotuko du”.

Aguirrek azaldu duenez, bi EBE-en ibilbidea eta kaudimena eta bietako profesionalak “dira bermerik onena, enpresen finantzaketa-iturri tradizionalak indartzeko eta enpresek etorkizunean aurrera egiteko aukera osagarriak bilatzeko”.

Bestalde, Josu Sancheek, Elkargiko presidenteak, azpimarratu zuenez une historiko baten aurrean gaude eta beraien helburu nagusia lan baldintzak eta egitura finantzarioa hobetzea izango da.

Gainera, Eusko Jaurlaritza  osagarrizko bermeaz baliatuko da berme jarduera handituz jarraitu dezan.

Iturria: oinarri.es eta Noticias de Gipuzkoa

Kooperarock, Donostia 2016k, Mondragon Unibertsitateak, LANKI Ikertegiak eta Teatro Paraisok elkarlanean garatu duten proiektua da.

Kooperarock: Kooperazioaren Artea, kooperatibagintzaren balioak artearen bitartez gizarteratzea helburu duen proiektua da. Kooperarock, DSS2016ren baitako beste hainbat proiekturen antzera, era berritzailean, elkarrengandik urrundutako disziplinak uztartu ditu lehen aldiz. Proiektuaren helburua da, emozioen bidez, herritarrek kooperatibagintzaren funtsa ulertzeko esperientzia artistikoa bizitzeko aukera izatea.

Mondragon Unibertsitateko LANKI Kooperatibagintza Ikertegiak bideratutako hausnarketa-prozesu batetik abiatuta, urtarrilaz geroztik, aztertu dira kooperatibagintzaren oinarrizko balioak. Horretarako jarri dira elkarlanean Euskal Herriko unibertsitateak, ekonomia sozial eta solidarioko eragileak, herrigintzako kideak, MONDRAGON taldeko kooperatibak eta komunikabide libreak. Hausnarketa prozesu horren emaitzekin, Gasteizko Teatro Paraiso taldeak sortuko du antzezlan bat, dramatizazioaren bidez, erakutsiko duena Ipar eta Hego Euskal Herriko ikastetxeetan kooperatibismoaren balioak.

LANKI ikertegia izan da orain arte Kooperarock proiektuaren ekintzak bideratu dituen eragilea. Besteak beste, Euskal Herriko hiru unibertsitateetako Kooperatibagintza ikertegi diren GEZKI, MIK eta IECerekin batera egindako hausnarketa jardunaldiak, ekonomia sozial eta solidarioaren alde lanean ari diren OLATUKOOP eta REASekin batera ekintzailetasun soziala indartzeko emandako urratsak edota Euskal Herriko Irrati Libreen ARROSA Sarean landutako gaiak, Argia agerkariko blogean eta Info7ko webgunetan legadoa utziz.

Gainera, urriaren 5ean, Humanitate eta Hezkuntza Zientzien Fakultateko Aretxabaletako campusean aurkeztuko da Kooperarock proiektuaren baitan sortutako “Belaunaldien arteko elkarrizketak” dokumental laburra. Aurkezpen horretan, eta mahai baten bueltan, solasean bilduko dira dokumentalean parte hartU duten hiru belaunaldi ezberdinetako hiru gizon eta hiru emakumeak.

Informazio gehiago

Iturria: Tulankide

Ulma Constructionek SOCON Forming & Shoring erosi du, Estatu Batuetako ULMA Form-Works, Inc. filialaren bitartez, AEBetako hego-ekialdeko kostan duen presentzia handitzeko eta sendotzeko asmoarekin. SOCONek Georgian eta Alabaman ditu bulegoak eta enkofratu eta eraikuntzaren merkatuetarako hornitzaile ezaguna da aipatutako zonaldean, 2008az geroztik.  Etxebizitzetako eraikinak, altuera handiko eraikinak eta ospitaleak egiteko proiektuak egiten ditu, bai eta uraren tratamendurako plantak eta zubiak eraikitzekoak ere. Atlantako Braves Stadiuma eta Georgiako Aquariuma dira bere proiektu enblematikoetako bi.

Kokaleku berri horiekin eta Floridan laster irekiko den egoitza logistikoarekin, New Jerseyn eta Marylanden jada daudenekin batera, ULMAk aukera izango du herrialde horretako ekialdeko kostako merkatu osora iristeko, Estatu Batuetako zonalde horretan baitu sektoreak ahalmenik eta hazkunderik handiena. Erosketa horrekin, Ulma Constructionek aurreikusten du datozen 3 urteetan 2015eko fakturazioa hirukoiztuko duela AEBetako merkatuan.

Informazio gehiago

Iturria: Tulankide

Gaur egun, urritasunen bat duten 7.118 lagunek egiten dute lan EHLABE elkartearekin bat egiten duten enpresa edo proiektuetan. Beste 117, berriz, enpresa arruntetan ari dira lanean.

EAEko ekonomia % 2,8 hazi da 2015ean, eta enplegua % 1,7Hazkundeak ez duela enplegua igotzea lortzen ohartarazi du EHUkEnplegua sortzeko denbora beharko dela ohartarazi du lehendakariak. Urritasunen bat duten pertsonen "enplegu-mailak goranzko joerari eutsi dio, kolektibo hau lan-munduan txertatzeko dauden zailtasunak oraindik oso agerikoak izan arren", Euskal Herriko Lan Babestuaren Elkarteak (EHLABE) gaur nabarmendu duenez. % 7 hazi zen iaz urritasuna duten pertsonen enplegu-tasa, 2014ko datuekin alderatuta. Egun, urritasuna duten 7.118 lagunek egiten dute lana EHLABE elkartearekin bat egiten duten enpresa edo proiektuetan. Beste 117, berriz, enpresa arruntetan ari dira lanean.

EHLABE elkarteak 13 erakunde eta EAEko hiru lurraldeetan kokatutako ehun enplegu-zentro baino gehiago batzen ditu, eta 2015eko balantzea egin du gaur, prentsaren aurrean. Bertan, elkarteko arduradunekin batera, Angel Toña Eusko Jaurlaritzako Enplegu sailburuak hartu du parte.

Toñak adierazi duenez, "gizarte bat benetan oparoa dela esan ahal izateko, nahitaezkoa da herritar guztiek ondasun material eta immaterialez, hezkuntzaz, prestakuntzaz,  lanaz, kulturaz, aisiaz eta abarrez profitatzeko aukera izatea".

Pablo Moratalla EHLABEko koordinatzaileak esan duenez, "bi urtetan % 15eko hazkundea izan dugu, eta 2016an ere antzeko joera espero dugu".

Hazkundearen arrazoiak, Moratallaren arabera, "sektore tradizionalen, bereziki, industria eta zerbitzu sektoreen aprobetxamendua eta enplegu-nitxo berrien garapena"  dira.

Iturria: www.eitb.eus

MONDRAGONek etapa berri bati ekin dio, negozio lehiakor eta iraunkorrei erreparatzen dien bide orri berri batekin.“Etorkizuneko MONDRAGON” eta “2017/2020 politika sozioenpresariala” izeneko ponentziak onartu ditu Kongresuak.

MONDRAGON Korporazioaren 2016ko Kongresua egin da Donostian. Hitzordura deitutako ia 650 konpromisarioetatik gehienak gerturatu dira. Talde kooperatiboan integratuta dauden kooperatiba guztiak ordezkatuz. Aurtengo edizioak denbora berri bat hasi du talde kooperatiboarentzat. Etapa berri bat, politika sozioenpresarial berrituarekin, etorkizuneko MONDRAGONi buruzko hausnarketa eguneratuarekin eta Kontseilu Orokorreko lehendakari berriarekin: Iñigo Ucin, zeina datorren abuztuaren 1etik aurrera sartuko den lehendakaritzan.

Ohikoa denez, Kongresuak bi zati bereiz izan ditu: batean ohiko gaiak landu dira, eta bestean ekitaldian aurkeztu diren bi ponentziak eztabaidatu eta onartu dira: “Etorkizuneko MONDRAGON”, balioen bizipenari, antolamendu egiturari eta elkarren lankidetzako finantza fondo eta tresnei buruzkoa, eta 2017/2020 politika sozioenpresariala. Lehenengo zatiari dagokionez, hainbat alderdi nabarmendu daitezke, hala nola Zentro Korporatiboaren aurrekontua berrestea, baita kudeaketa txostenak ere, bai Kongresuko MONDRAGONeko Batzorde Iraunkorrarena, bai MONDRAGONeko Kontseilu Orokorrarena, Javier Goienetxea eta Javier Sotil lehendakariek idatzita, hurrenez hurren.

Javier Sotilek MONDRAGONen bilakaera azaldu du, positiboki baloratu 205eko ekitaldia, eta zera adierazi du: “Korporazioaren multzoan enpleguaren maila handitzea lortu dugu, eta bereziki Industria Arloan hazi gara, zeina azken bi urteetan enplegua sortzearen inguruan oso joera positiboa mantentzen ari den, 2.100 lanpostu baino gehiagorekin, horietatik 1.400 gure ingurunean”. 2016ari dagokionez, Sotilek adierazi du “oro har gestio planeko aurreikuspenak betetzen” ari direla, “eta bilakaera hori berresten bada urtearen amaieran aldagai enpresarial guztietan hazkundearen bidean jarraituko dugu”.

Kongresuaren bigarren zatian ekitaldian aurkeztutako bi ponentziak eztabaidatu ziren: Etorkizuneko MONDRAGON eta 2017/2020 Politika Sozioenpresariala.

Etorkizuneko MONDRAGONi dagokionez, aipatu daiteke ponentzia hiru zati ongi bereiziak dituela: bat balioen bizipenari buruzkoa, beste bat antolamendu ereduari buruzkoa eta hirugarrena elkarren arteko lankidetzako finantza fondoak eta tresnak.

Horrenbestez, ponentziak MONDRAGONen balio kooperatiboen bizipena indartu nahi du, etapa berri honetan sendotu beharreko balioak eta praktikak azpimarratuz. Hainbat kontzeptu aipatzen dira, hala nola autoexijentziaren eta koerantzukizunaren kultura, elkartasun exijentea, eraldaketa soziala eta elkarrekiko lankidetza.

Antolamenduaren ikuspegiak kooperatiben kokapen lehiakorra indartu eta bere proiektu sozioenpresarialak sustatu nahi ditu, merkatu globalean arrakastaz lehiatzeko ahalmenak garatu eta oinarri sendoa ezarri, bere gainean etorkizuneko MONDRAGON garatzeko. Ikuspegi berriak 10 proiektu sektorial ditu ardatz, eta halaber Eskualdeko Egitura sareak antolatzea proposatzen du, gune geografiko berean kokatutako kooperatibek osatuak, hurbileko ingurunean eraldaketa soziala bultzatzeko.

Eta elkarren arteko lankidetzarako tresna finantzarioei dagokienez, helburua da kooperatibei beharrezko egitura eta euskarri finantzarioak ematea, beren negozioak modu iraunkorrean garatu eta hedatuko direla bermatzeko. Eredu berri bat proposatzen du, negozioen errentagarritasunean eta iraunkortasunean oinarrituta, kooperatiba guztien arteko lankidetza eta elkartasuna mantenduz. Proposamen berria bi fondo berriren gainean bermatzen da: KGF fondoa (Kohesio eta Garapen Fondoa) eta HFK (Hedapen Fondo Korporatiboa). KGF fondo bakarra izango da, eta HKFk, berriz, dibisio izaera eduki ahal izango du (horrela nahi duten dibisioetan) edo dibisioartekoa.

Ziklo estrategiko berrirako Politika Sozioenpresarialari dagokionez, negozio lehiakorretan eta iraunkorretan jartzen du indarra. Hori da 2017/2020 laurtekorako erronka nagusia, eta negozioak etengabe eraldatuz eta egokituz eta pertsonak balio erantsia sortzeko konprometituz lortu nahi da.  Halaber, proposatzen da negozio bakoitzak garapen eredu bat garatu dezan, kokapen egokia lortzeko eta negozioen kontzentrazioari bultzada bat emateko.

Bide orri berriak bost lerro estrategiko finkatzen ditu proposatutako erronka betetzeko: konpromisoa eta nortasun kooperatiboa, finantzaketa, berrikuntza eta enpresa sustapena, elkarrekiko lankidetza eta presentzia globala.

Ponentziak aurkeztu eta eztabaidatu eta gero, biak Kongresuko kideen aldetik onartu dira, aho batez.

Erreleboa lehendakaritzan

Kongresua, halaber, Kontseilu Orokorreko lehendakaritzako erreleboa eszenaratu zen. 2014az geroztik presidente izandako Javier Sotilek Iñigo Ucini eman dio lekukoa. Javier Sotilek esker hitzak izan zituen ia bi urtez taldea zuzentzeko beragan jarritako konfiantzagatik, aipamen berezia egin zuen kooperatiba guztientzat, batez ere krisian zehar egindako ahaleginetan elkartasuna erakutsi duten guztientzat, eta kooperatibista guztiak animatu zituen taldea eraikitzen jarraitu dezaten, munduan erreferentzia izateko eta gure gizartearentzat balioen eredu izateko. Iñigo Ucinek, berriz, kongresukideen aurrean egindako mintzaldi laburrean adierazi zuenez, “hurbileko etorkizunerako bide orria argi dago”, eta, gehitu zuenez, “MONDRAGON indartsua izango da baldin eta negozio errentagarriak baditu eta kooperatibetan balio kooperatiboak dituzten pertsonak baditu”. Iñigo Ucinen datorren abuztuaren 1etik aurrera hartuko du Korporazioaren burutzako kargu berria.

MONDRAGON Kongresuaren bideoa hemen

Iturria: Tulankide