Bloga

Pasa den urriaren 3an Donostiako Ekonomia eta Enpresa Fakultatean Gizarte Ekonomia eta Ekonomia Solidarioko Masterreko 4. edizioari hasiera eman zitzaion ASLE-ko Josetxo Hernandezen ikasgaiarekin. Ikasle eta irakasleez gain, unibertsitateko, Gizarte Ekonomiako erakunde eta Administrazio Publikoko kargu ezberdinak bertaratu ziren.

Hasierako agurra eta Masterraren aurkezpena Mikel Zurbanok egin zuen (Masterreko zuzendari eta Gezkiko kidea), eta ondoren Jose Maria Berazak (Donostiako Ekonomia eta Enpresa Fakultateko zuzendaria) eta Ana Arrietak (Gipuzkoako Kampuseko Errektore-ordea) ongi etorri hitz batzuk izan zituzten. Jarraian Eusko Jaurlaritzako Enplegu eta Laneko Sailburuordeak, José Andrés Blascok, Gizarte Ekonomiak euskal errealitatean duen garrantziari buruzko hausnarketa egin zuen eta honek botere publikoengan duen garrantzia eta arreta nabarmendu zituen. Berarekin batera, gainera, Alfredo Ispizua, Eusko Jaurlaritzako Gizarte Ekonomiaren zuzendaria bertaratu zen.

Ondoren, (Gezkiko kide Aitor Bengoetxeak hitza emanik,) ASLE-ko Josetxo Hernandezen txanda izan zen, zeinek “La empresa del siglo XXI es la empresa participada” izenburuko hitzaldian kapital enpresetan langileen parte hartzearen gakoak eta zailtasunak modu argi eta interesgarrian azaldu zituen, besteak beste. Amaitzeko, galdera erantzunentzat tarte bat egon zen, non bertaratukoak solasaldian aritu ziren.

Iturria: GEEB

Urriaren 19tik 21era, Gizarte Ekonomiako Ikertzaileen XVI. Kongresua egin zen Valentzian, CIRIECeko 30. urteurrenaren baitan. Bertan, gizarte ekonomiako 200 ikertzailek eta zuzendarik parte hartu zuten, eta hauen artean GEZKIko hainbat kide izan ziren. Gainera, EHUko Itziar Villafañezek komunikazio onenari bigarren saria jaso zuen, “La igualdad de género como parte integrante del interés social cooperativo. Implicaciones jurídicas” lanagatik.

Irekiera ekitaldian, hitza hartu zuten Valentziako Generalitateko presidenteordeak, Mónica Oltra; UVko errektoreorde den Juan Luis Gandiak; eta  CIRIECeko lehendakaria den José Mª Pérez de Uraldek.

Guztiek azpimarratu zuten jarduera ekonomikoaren inguruko hausnarketa egiteko dagoen beharra, jasangarritasuna eta inklusioa kontutan hartzen dituen eredu baten alde eginez eta etorkizuneko belaunaldietan pentsatuz, eta honetarako, gizarte ekonomiak paper garrantzitsu bat jokatzen duela adierazi zuten, pertsona eta ongizate orokorra abiapuntu dituen eredua baita.

Jardunaldian, Juan Juliá katedradunak Unibertsitatearen eta Gizarte Ekonomiaren inguruko konferentzia eman zuen, bertan, ezagutzan indartsua den eta baloreak dituen ekonomia baten alde egin zuen. Ondoren, Nobel Saria den Edward S. Rubinen konferentzia ikusi ahal izan zuten.

Honetaz gain, “Gizarte Ekonomia, ekintzailetzarako, enplegurako eta gizarte inklusiorako eredu arrakastatsua”ren inguruko mahai-ingurua antolatu zen eta parte-hartzaileek egindako komunikazioak aurkeztu ziren.

Azkenik, aipatzekoa da urriaren 18an, CIRIECeko 30.urteurrenean egin ziren ekintzen artean, Gizarte Ekonomiako ikertzaile gazteen III. topaketa (REJIES) ospatu zela, eta bertan, arlo honetako ikertzaile gazteen aurrerapenen inguruko gogoeta egin ahal izan zuten.

Iturria: Ciriec

Ekonomia Sozial eta Solidarioaren hedapenaren errealitatea ikustarazteko, kongresuaren egoitzan, alternatiba ekonomikoen esparruko gutxienez 300 esperientzien posterrez osotutako makro-collage bat ikusgai jarri nahi dute.

Proiektu txiki ala handiak izan daitezke, prozesu konplexu edo jarduera zehatz bat, sare edo erakunde baten aurkezpena, garrantzitsua iruditzen zaizuen argitalpen bat edota web atari bat… ekonomia sozial, solidario, inklusibo eta jasangarri baten eraikuntzan dena balio du. Galdetegi samur hau zuen ekimenarekin betetzera animatzen zaituztegu.

www.esskongresua.net 

kongresua@reaseuskadi.net  81 608 429 – 94 416 05 66

Iturria: REAS-Euskadi

Joan den urriaren 27an, Donostiako Zuzenbide Fakultateko paraninfoan europar jardunaldia egin zen, non zenbait aditu eta Gizarte Ekonomiako aktore zein publiko jendetsua bildu zen, Kreditu kooperatiba eta aurrezki kutxek lurralde kohesioan duten funtzioaren inguruan eta CESE-k (Comité Económico y Social Europeo) gai honi buruz argitaraturiko irizpenaz eztabaidatzeko.

Gezkiko Zuzendari Aitor Bengoetxeak jardunaldiaren aurkezpena egin zuen eta ondoren Zuzenbide Fakultateko Dekano ordeak, Ana Rosa Gonzalezek eta Gipuzkoako Kampuseko Errektore ordeak, Ana Arrietak, ongietorri hitz batzuk eskaini zituzten. Lehenengo hitzaldia CESE-ko Carlos Trias-ek egin zuen, ECO/371 irizpenaren nondik norakoak azalduz, eta jarraian Joan Ramón Sanchís, Universitat de Valènciako katedradunak “Kreditu kooperatiben ekarpena finantza inkusioan” izeneko hitzaldia eman zuen.

Kafearen ondoren Fiareko presidente Peru Sasiak finantza proiektu honen azalpen bizkor bat eman zuen, gertuko finantza bitartekari moduan ulerturiko erakundea dela azpimarratuz, eta gogoraraziz proiektuaren ikuspegi politiko-ideologikoak alde batetik, eta Fiareren tokiko ezarpenak bestetik, bertako agente ezberdinekin aliantzak eta hartu-eman etengabeak beharrezkoak direla. Bukaerako mahai inguruaren aurretik, azkenik, Jean Michel Larrasquetek, Credit Agricole bankutik etorria, Iparraldeko aurrezki kutxen berezitasunak azaleratu zituen, eta proiektuen finantzazioa lortzeko gizartetik sorturiko hainbat ekimen ezagutarazi zituen, hala nola “Eticoop” edo “Herrikoa” proiektuak.

Jardunaldiari amaiera emateko, Gezkiko kide Sylvia Gaiy-k moderaturiko mahai inguru batean parte hartu zuten hizlari guztiek, zeintzuek hark eginiko galderei erantzunez ondorio interesgarriak atera ahal izan zituzten bertaratutakoek.

Iturria: GEEB

Sari banaketa datorren azaroaren 24ean egingo da, Bilboko Carlton Hotelean. Aurten, Txemi Cantera Sariko epaimahaiak FMD Carbide SAL eta Gráficas Zamudio Printek SAL enpresa bizkaitarrak saritzea erabaki du, biak ASLE-ren sortzaileak.

FMD CARBIDE enpresak metal gogorrak sinterizatzen ditu, duela 60 urtez geroztik. 90eko hamarkada hasieratik bere ekoizpena lanabes eta mozketa tresna ezberdinetarako metal gogorretan espezializatu eta bideratu du.

Bere aldetik, Gráficas Zamudio Printek SAL 1995ean sorturiko arte grafiko eta editatze inprenta bat da.

“Txemi Cantera” sariak José Miguel Cantera Sojo, Txemi, du gogoan, nor ekonomista, ASLE-ko aholkulari, Planifikazio Estrategikoan aditua eta “gizartearekiko konpromezua zuen benetako lider” bezala gogoratzen duen Josetxo Hernandezek, ASLE-ko zuzendariak.

Epaimahaia ASLE-ko, UPV/EHU-ko GEZKI Institutuko, Eusko Jaurlaritzako Gizarte Ekonomiaren Zuzendaritzako, Deustuko Unibertsitateko Ikasketa Kooperatiboen Institutuko, Bizkaiko Aldundiko Ekonomiaren Sustapen Saileko eta Laboral Kutxako ordezkariek osatzen dute.

Iturria: Gizarte Ekonomiako espainiar behatokia / ASLE

Programaren ordezkariekin izan duen bileran, gizarte ekonomiak kalitatezko enplegua eta tokiko erantzunak sortzeko duen ahalmenaren garrantzia azpimarratu da.

Nafarroako Gobernuko lehendakaria, irailaren 21ean bildu zen Pirinio Atlantikoko, Euskal Autonomia Erkidegoko eta Nafarroako ordezkariekin mugaz gaindiko “ETESS” proiektua ezagutzeko helburuarekin, eta ANELen (Nafarroako Gizarte Ekonomiako Enpresen Elkartea) parte hartzearekin sortu dutena.

ETESS (Gizarte Ekonomia eta Solidarioko Mugaz Gaindiko Eskola) proiektuaren helburua enplegurako sarbidea hobetzea da, Gizarte Ekonomiako proiektu berritzaileak martxan jartzeko pertsonak trebatuz. Guzti hau mugaz gaindiko kooperazioaren ikuspegitik egingo da, esperientziak eta ezaguerak partekatzeko, eta ahalmen sortzaileak, ahalduntzea eta tokiko agenteen kolaborazioa Gizarte Ekonomiako proiektuetan indartzeko.

Proiektu honetan lau bazkidek parte hartzen dute: KONFEKOOP, Comité de Bassin d´Emploi du Seignanx, Hendayako Udala, eta ANEL buru bezala. Finantziazioaren %65a INTERREG POCTEFA 2014-2020 Programaren bidez lortu dute. Proiektu honen helburua lankidetzaren bidez enplegu kolektiboak sortzea izango da.

Iturria: navarra.es

Europar Parlamentuak antolatutako bileran parte hartu zuten Europar Batzordeko, Ceseko eta Eslovenia, Luxenburgo eta Suediako Gobernuetako goi karguek. Bertan, sektore honetarako beharrezkoa den Akzio Plan baten elaborazioa eskatu diote CEPESek eta SEEk Europar Batzordeari.

Europar Parlamentua, eta bereziki, Gizarte Ekonomiako Taldea, egun 6 talde politikotako 80 diputatuk osatzen dutena, gogotsu lanean ari dira Gizarte Ekonomiaren aintzatespen politikoa, juridikoa eta instituzionala lortu eta entitateen sustapen politikak martxan jartzeko helburuarekin.

Bileran, Akzio Planaren elaborazioaren beharra azpimarratzeaz gain, Gizarte Ekonomia Europar Batasuneko agente estrategikoa izan behar denaren ideia berretsi zuten. Gainera, pasa den irailaren 14ean Europar Komisioko presidenteak azaldutako erronkei aurre egiteko sektore garrantzitsua dela adierazi zuten.

Iturria: Cepes

Joan de urriaren 5ean, Eztabaida Kooperatiborako Foroak (FOROKOOP) Kooperatibismoaren ekarpen sozialaren inguruko jardunaldia antolatu zuen, Arrasateko Garaia Berrikuntza Gunean. Berau Euskadiko Kooperatiben Goren-Kontseiluak (EKGK) eta Euskadiko Kooperatiben Kofederazioak (KONFEKOOP) laguntzarekin eraman zen aurrera.

Forokoop-eko web orrian hurrengo dossierra eskugarri dago, non jardunaldiko puntu garrantzitusenak azaltzen diren:

JARRAIPENA BIDEOTAN

ELKARRIZKETAK

ONDORIOAK ETA PONENTZIAK

Iturria: FOROKOOP

Pasa den irailaren 20an Lantegi Batuak eta Osakidetzak hitzarmena sinatu zuten, gaixotasun mentala duten pertsonen laneratzea laguntzeko. Akordio honen bidez, modu koordinatuan lan egingo dute Bizkaiko Osasun Mentaleko Sarearekin batera, kolektiboko pertsonen trantsizioa zerbitzu publiko eta pribatuen artean modu jarraiagoan egin dadin, dauden baliabideen erabilera hobetuz. Informazio gehiago (erderaz), hemen.

Iturria: Lantegi Batuak