Egilea: editorea

Reas Red de Redesek arazoak ditu segurtasun, espazio, eduki eta beste hainbat alorretan bere web gune barruan. Horregatik, gure laguntza eskatzen du berori hobetu eta bere lanean jarraitu ahal izateko.

Web gune berri honekin Espainia mailan ekonomia solidario arloan atari tematikorik garrantzitsuena izaten jarraitzea dute helburu. Aldaketa hauekin gailu elektroniko ezberdinetara heldu ahal izango dira, webari funtzionalitate gehiago eta irudi berriztu bat ematen dioten heinean. Aldi berean, garrantzi handia izango duten beste bi atalekin edukiak partekatu nahi dituzte: REASeko intzidentzia sozial eta politikoari buruzko espazioarekin eta merkatu sozialekoarekin, zehazki.

Asoziazioak web orriaren 33.000 euroko kostu totalera iristeko helburua du proiektua bere osotasunean gauzatzeko, edo gutxienez 19.000 euro lortu beharko lituzke. Momentuz 18.500 euro inguru batu dituzte, baina badago oraindik bidea egiteke jomugara heltzeko.

Laguntzeko hainbat aukera eskaintzen dizkigute, 25 eurotik 500 euroko ekarpenetara artekoak. Ekarpen guztiek opari/sari bat dakartzate beraiekin batera, kapitalismotik ekonomia solidarioago batera pasatzeko lehen pausoak azaltzen dizkigun kaxa batetik hasita, bidezko merkataritzako kotoizko kamiseta organiko batetik pasata, enpresendako ekonomia sozialari buruzko tailerretara arte.

Crowdfundingean parte hartzeko azken eguna, larunbata, apirilaren 8a izango da. Lagundu diezaiegun denon artean proiektu hau aurrera eramaten, ekonomia sozial eta solidarioari buruzko albiste, artikulu eta ekitaldiei buruzko informazioa jasotzen jarrai dezagun.

Iturria: REAS

Gizarte ekonomia eta ekonomia solidarioari buruzko alor ezberdinetan burututako proiektuei buruzko informazioa, eta gai hauei buruzko azken albisteak. Master amaierako lanez gain, Revista Vasca de Economía Social (REVES) eta aldizkaria irakurtzeko aukera ere badago, eta GEZKIren ekimenez abiatu zen Gizarte ekonomia eta Ekonomia Solidarioko masterrari buruzko informazioa ere eskuragarri daukagu.

Oraingoan, GEZKIko koordinatzailea den Mikel Bereciartuak dioen bezala, weba bisualagoa, praktikoagoa eta azken finean internautarendako erakargarriagoa egitea nahi zuten, eta lortu dutela zehaztatu genezake. OVES/GEEB-etik jada, egin dugu bisita eta benetan ongi dagoela esan beharra dago, Zorionak lan talde osoari!

Proiektua orain dela ia urtebete hasi zuten, eta azken hilabete honetan aski lan egin dute denok Martxoa bukaeran eskura izan genezan. Horregatik, zeri itxaroten ari zara? Sartu zaitez, kuxkuxeatu eta jarrai itzazu! www.gezki.eus

Iturria: GEEB

UPV/EHUko XXXVI. Uda Ikastaroen matrikula epea ireki da jadanik, eta aurkezpen ekitaldian izan ziren Nekane Balluerka, errektorea, Carmen Agoués, Ikastaroen zuzendaria, eta Vicente Gutiérrez, BBVA Fundazioaren zuzendariordea.

Aurtengo edizioak 15 ziklo izango ditu, eta horietan 137 ikastaro, tailer, eskola eta jardunaldi profesional egingo dira. Gainera, 20 biltzar, 5 jarduera ireki eta 20 online ikastaro (azken hauek urte osoaren zehar) egingo dira. Euskaraz 24 ikastaro egingo dira, 2 frantsesez eta 20 ingelesez (biltzar zientifikoak, gehienbat).

Ikastaroen artean azpimarratzekoak dira, “La economía colaborativa y los nuevos modelos empresariales: Su fiscalidad”, honetan, Zuzendarikidea GEZKIko Isaac Merino da; “Optimización del valor de la compra para la sociedad” Jose Luis Monzon (CIRIECeko Zuzendaria) eta Jose Mª Franco (EHLABEko Lehendakaria) parte hartuko dutena; eta “Gure ekonomiaren etorkizuna: Lurraldearen garapen ekonomikorako erronkak eta aukerak” lurraldearen ekonomia indartzeko estrategiak aztertuko dituztenak.

Ikastaroen inguruko informazio gehiago hemen

Iturria: OVES

CEPES, Europako Gizarte Funtseko “Gizarte inklusiorako eta Gizarte Ekonomiarako” erakunde bitartekaria izanik, 3,3 milioi euroko laguntzen deialdia ireki du.

Deialdi honen helburu nagusia Gizarte Ekonomiako entitateak eta enpresak laguntzea da, hurrengo alorretako proiektuak aurrera atera dezaten:

-          Gizarte ekonomiako enpresa berriak eta enplegua.

-          Gizarte Ekonomiako entitateen profesionalizaziorako heziketa.

-          Gizarte Ekonomian ekintzailetasuna sustatu.

Deialdiaren inguruko informazioa hemen

Proiektuak aurkezteko muga eguna 2017ko apirilaren 10a.

Iturria: Ciriec

Bilboko Bizkaia Aretoan egin zen, martxoaren 2an, Bizkaiko Aldundiak eta UPV/EHUk antolatuta, Colabora-Bora-ren laguntzarekin. Jardunaldiak ekintzailetza prozesu bideragarri eta iraunkorrak nola aurrera eraman izan zuen eztabaidagai, bizitza erdian jarriz.

Jardunaldiari Bizkaiko Aldundiko Enplegua, Inklusio Soziala eta Berdintasuna Sustatzeko Foru Diputatuak eman zion hasiera. Egun osoan zehar errealitate ezberdinak ezagutzeko aukera egon zen, “esperientzia mahaiei” eta eztabaida-solasaldirako formatu ezberdinei esker.

Aipatzekoa ere Marian Diez-en (UPV/EHUko irakasle eta REAS Euskadiko presidentea) hitzaldia, non hezkuntzak ekonomia eta gizartea eraldatzeko duen garrantzi eta ahalmenaren inguruan hitz egin zuen, besteak beste.

Iturria: GEEB

CESEk martxoaren 14an Gizarte Ekonomiaren kanpo dimentsioari buruzko audientzia publikoa egin zuen Bruselaseko egoitzan. Jardunaldia gai honen inguruan aurrera atera nahi den irizpenaren eremuan egin zen, CESEren ekimena izan dena. Txostengilea batzorde honetan CEPESeko ordezkaria den Miguel Ángel Cabra de Luna izango da, eta José Luis Monzón irakaslearen kolaborazioa izango du.

Audientzia hiru mahai ingurutan egituratu zen, lehenengoa tokiko esperientzien ingurukoa; bigarrena, gai honen inguruan Europan dagoen ikuspegiaren ingurukoa; eta hirugarrena nazioarteko ikuspegiaren ingurukoa.

Iturria: Ciriec

OVES/GEEBen hashtag berria estreinatzen dugu= #ESSalbisteak    #noticiasESS

Gizarte ekonomia eta solidarioko azken berriak ezagutu eta zabaltzeko, jarraitu eta konpartitu gaitzazu!

Gure twitter kontua: @GEZKI_

Iturria: GEEB

Pasa den martxoaren 7an, Erromako Hitzarmenaren 60. Urteurrenaren barnean, Europar Parlamentuko Gizarte Ekonomiako Nazioarteko taldearen audientzia publikoa egin zen. Bertan, gizarte ekonomiak Europako gizarte, ekonomia eta lurralde kohesioan jokatzen duen papera aztertu zuten.

Juan Antonio Pedreño, SEE eta CEPES-eko lehendakaria, izan zen Gizarte Ekonomiako entitateen ordezkaria jardunaldi honetan. Honetan, Europako etorkizunaren inguruan eztabaidatu zen eta Gizarte Ekonomiak Europako garapen ekonomiko eta sozialean duen garrantzia azpimarratu zuten.

Iturria: Social Economy Europe

Horrela, Eroskik Euskolabel ziurtagiria duen eztia salduko du Seleqtia markarekin.

Eroski lore anitzeko ezti berria saltzen hasi da, "SeleQtia" gourmet produktuen markarekin; Euskal Autonomia Erkidegoko erlauntzetatik biltzen da ezti hori eta Eusko Label ziurtagiria du. Horretarako, hitzarmena egin dute Eroski kooperatibak eta EAEko hogei erlezainek, zeinak Eztiko profesionalen elkartean eta Giez-Berri sozietate ontziratzailean bilduta baitaude.

Eroski SeleQtia-Eztiona markako ezti hau ekoizteko, Eusko Label ziurtagiriak eskatzen dituen ekoizpen eta ontziratze baldintza guztiak bete dira, hasi erlauntzen kokapen eta identifikaziotik eta segi azken produktuaren etiketatzeraino, betiere egoki zainduta erlezaintzako manera onak eta eztia erauzteko eta ontziratzeko era.

Gainera, Eroski SeleQtia-Eztiona marka berriari balorazio ona eman diote dastatzeetan adituak diren profesionalek, eta Basque Culinary Centerren bermea du. Zientzia Gastronomikoen Fakultate horretan egindako dastatzeetan, zenbait ezaugarri jasotzen dituzte chefek, hala nola itxura, testura, zaporea eta urrina.

"Eusko Labela duen Eroski SeleQtia-Eztionaren lore anitzeko ezti berri hau abarasketatik erauzteko, ohiko prozesua erabiltzen da, hau da, zentrifugatzea, eta bere hartan ontziratzen da, pasteurizatu eta berotu gabe eta polena igarotzeko modua ematen duten iragazkietatik iragazita. Horrela, nutrizio osagaiak bere horretan gordetzen ditu, eta testura krematsuak eta aparteko aroma eta zaporeak izaera berezia ematen diote", esan du Eztiko profesionalen elkarteko presidenteak, Alfredo Garcia Llarenak.

Iturria: TuLankide