Bloga

Auzitegi Nazionalak ekimen pribatuekiko gizarte-ekimeneko enplegu-zentro berezien tratu bereizia juridikoki egokitzen dela bermatzen du, eta dio horrek ez duela inola ere ordenamendu juridikoan debekatutako diskriminaziorik eragiten.

Auzitegi Nazionaleko Lan Arloko Salak, 2019ko azaroaren 14an emandako epai baten bidez, erabat ezetsi zuen CONFEDERACION NACIONAL DE CENTROS ESPECIALES DE EMPLEO (CONACEE) delakoak XV. Hitzarmen Kolektibo Orokorraren aurka egindako inpugnazioa, non enpresa erakunde horrek zenbait lansari-zentrori tratu berezia ematen baitzien.

Justiziak CONACEEren errekurtsoaren tesiak erabat baztertu ondoren, XV. hitzarmenaren araudia egokitzeaz gain, bi enplegu-zentro berezi motak (sozialak eta pribatuak) legez bereiztea erabat bidezkoa dela ezarri da.

Gizarte-ekimeneko eta ekimen pribatuko enplegu-zentro berezien arteko lege-bereizketa 2017an sartu zen Sektore Publikoko Kontratuen Legearen bidez.

Iturria: CERMI

Azaroaren 18 eta 19an Lisboan burutu zen CIRIEC-eko Gizarte Ekonomia eta Kooperatiboaren X. Solasaldia, gai nagusia turismo soziala eta iraunkorra izan delarik. Aurtengo edizioa, INATEL Fundazioaren kolaborazioarekin antolatu da.

Esan bezala, solasaldiaren gai nagusia turismo soziala eta jasangarria izan zen, eta Espainiako eta Portugaleko hainabat ikertzailek, aurrez aurkeztutako komunikazioen bitartez,  parte hartu zuten.

Jardunaldiaren lema: “Lurraldearen jasangarritasuna, ondarea eta turismo soziala” izan zen, honen inguruan eztabaidatzeko, ideiak partekatzeko eta proposamen eta emaitzak aztertzeko aukera ezin hobea izan zelarik. Gainera, proposamen berri horiek 2030 Agendan Gizarte Ekonomiaren bitartez txertatzeko dauden aukerak aztertu ziren.

Iturria: CIRIEC

Gizarte Ekonomiako Euskal Behatokiaren Buletina hamabost egunero argitaratuko da.

Modu honetan, dinamismo gehiagorekin jakin ahalko dituzue ekonomia sozial eta solidarioaren sektoreko albiste garrantzitsuenak.

Sektoreko ekitaldi nagusiak egunero berrituko dira, eta argitalpen nagusienak hilabete bukaerako Buletinean argitaratuko dira.

Egon adi!!!!

Iturria: OVES/GEEB

2016 urtean Quebec-en eginiko Munduko Foro Sozialean ekonomia alternatibo ezberdinen inguruko eztabaida gune bat sortzea adostu zen eta Bartzelona hautatu zuten egoitza izateko. Honela sortu zen Ekonomia Eraldatzaileen Munduko Foro Soziala (EEMF) eta 2020ko ekainaren 25-28 bitartean eramango da aurrera.

Zer dira Ekonomia Eraldatzaileak?

Produktibitate eta mozkinen irabazietan oinarrituriko eredu kapitalistaren aurrean, pertsonak eta ingurugiroa erdigunean jartzen dituzten ereduak dira ekonomia eraldatzaileak. Erauzte eta hazkundea iparrorratz duen egungo ereduari alternatiba bat emateko grina dute:

Ekonomia feministak: ekonomiaren erdigunean bizitza eta berau birproduzitzeko beharrezkoak diren prozesu guztiak jartzen dituena, garrantzia berezia emanez zaintza ekonomia eta emakumeen funtsezko paperari.

Agroekologia eta elikadura burujabetzako mugimenduak: nekazal-elikadura eredua birplanteatzen dute bizitzaren jasangarritasunarentzat elementu gako bezala, baita lurrarekiko eta ziklo naturalekiko pertsonek dituzten harremanak ere.

Komunaletan oinarrituriko ekonomia: berauren azpi-familiekin: hirikoak, naturalak, digitalak…

Ekonomia sozial eta solidarioa: bidezko merkataritza eta finantza etikoak, kooperatibismoan eta merkatu sozialetan oinarriturikoak…

Foroan modu ezberdinetan parte har daiteke:

Foro birtualaren bitartez, zeina eztabaida gune eta eduki sorkuntzarako espazio nagusia izango den: https://forum.transformadora.org/

Lan talderen batean parte hartuz.

Foroa erakunde ezberdinen artean zabalduz.

Informazio gehiago, hemen.

Iturria: REAS

Ekonomia soziala sustatzea helburu duen programak hainbat saio ireki antolatu ditu azaroan zehar.

Ekimen sozio-ekonomiko proiektuan sustatzea xede duen KOOPFABRIKA programak zortzi saio ireki antolatu ditu azaroan egiteko. Eskoriatzako kanpusean egingo diren ekitaldi horiek ikasturte honetako koopfabrikako programako parte dira, baina modu irekian eskainiko dira interesatu guztiei.

Saioak hasiko dira 09:00etan eta bukatuko dira 13:00etan. Interesatuek aukera dute hitzaldi guztiak entzuteko edo saio solteetara joateko.

Izena emateko: KoopFabrikako saioak azaroan. 

• Azaroak 18: Komunikazio estrategiak. Gorka Julio eta Arkaitz Sukuntza.
• Azaroak 19: Balantze sozialak eta adierazle sistema. Mirene Begiristain eta Beñat Irasuegi.
• Azaroak 20: Kudeaketa ekonomiko finantzieroa. Irune Cano eta Pau Fernández.
• Azaroak 21: Ekintzailetza soziala genero eta jatorri aniztasunetik. Amillena eta Hiruki Larroxa.

Iturria: MU

Helburu horrekin, REAS Euskadin, izaera operatiboa duen plan estrategiko berri bat lantzen ari da, 2020-2023 denboraldirako. Eta plan hau modu partehartzaile batean diseinatu nahi da, entzunez, bai REASeko kide direnei, baita ESSko beste pertsona zein erakundei edo modu batean edo bestean gurekin erlazionatzen zaretenoi.

Entzute lan honen ataltzat proposatzen den gauzetariko bat galdetegi erraz bat da, pertsona gehiagoren eta ezberdinen parte hartzea ahalbidetzen duena, begiradak aberasteko. Hori dela eta, ESSaren garapena eta REAS Euskadik jokatu beharreko paperagatik interpelatuta sentitzen bazara, zure denboraren minutu batzuk erabiltzea 6 galdera labur erantzuteko eskatzen dizuegu. Erantzunak jasotzeko epea 2019ko abenduak 13an bukatzen da

Plataformara joateko, egin klik hemen.

Iturria: REAS Euskadi

Atzo, Madrilen ospatu zen 2019ko Auditoria/Balantze Sozialaren emaitzen aurkezpenaren ekitaldia. Urtero egiten den argazki honen bidez, REASen eta Ekonomia Sozial eta Solidarioaren egoera ezagutzeko aukera ematen digute, sektorearen sei printzipioekin lotura eginez: Demokrazia eta Ekitatea, Ingurugiro iraunkortasuna, Lankidetza, Irabazi-asmorik gabea, Inguruarekin konpromisoa eta Lana.

REASen helburu nagusia, gardentasunean oinarrituta, biztanleriari beraien jardueraren berri ematea da, gainera, sektorearen egoeraren argazki bat izateko tresna ezin hobea da, emaitzak urtero hobetzeko aukera ematen duena.

Ekitaldian, Auditoria/Balantze Sozialaren emaitzak aurkezteaz gain, generoan oinarritutako emaitzak eman zituzten eta sektoreko enpresen praktika onenak aurkeztu zituzten ere.

Txostena hemen

Infografia hemen

Genero infografia hemen

Iturria: REAS

Europako Ekonomia eta Gizarte Batzordeak datorren azaroaren 27an Gizarte Ekonomiako Enpresen 2019 Europako Eguna antolatu du, Estrasburgon. Ektialdiak aurtengo leloa “Gizarte ekonomia: hiriak, erregioak eta gizartea mugitu. Europar Batasunerako inpaktu akordioa” du eta eguna amaitzerako Europar Parlamentu berriari helaraziko zaion hausnarketa dokumentu bat adostuko da.

Eskuratu programa (ingelesez), hemen.

Izen eman daiteke, hemen.

Iturria: Observatorio Español de Economía Social

Urtero bezala, bueltan da Euskadiko Ekonomia Sozial eta Solidarioaren egunaren ospakizunarekin. 6 urtez azoken bitartez Merkatu Sozialeko alternatibak ezagutzera eraman ondoren, aurten formatua aldatu dute fESSta ospatzeko azaroak 8 eta 9an Zabalgune Merkatuan!

ZER DA fESSta?

Ez, ez da mugikorrerako aplikazio bat “gaueko entretenimendua jarduera dibertiarriago eta sozialagoa bilakatzea“ bilatzen duena. fESSta ospakizun bat da bai, baina ospatzen duguna Ekonomia Sozial eta Solidarioaren parte garela da; hau da, ESS.

ZER ALDATU DUGU?

Aurretik esan bezala, fESSta ez da soilik azoka bat, partekatzeko, ikasteko eta, batez ere, ospatzeko leku bat baizik. Stand arrunten ordez, txoko tematikoak izango dira, Merkatu Sozialaren alternatiba ezberdinak ezagutzeko. Produktu zein zerbitzuen salmentara eskainitako guneez gain, hainbat txoko izango ditugusentsibilizazio tailer eta dinamikekin.

Aurten feminismoa erdigunean egongo da Bizitza Erdian txokoarekin, beraz ez ahaztu bere lorategitik pasatzea erlaxatu eta zenbait jardueratan parte hartzeko.

Eta zer esan prestatu dugun Escape Room-ari buruz? Ausartu erronka konpontzera eta ihes egin ezazu Citytik, kapitalismoaren mekatik, Zona Zerorantz, non ekonomia alternatibo bat posible den 🙂

Gainera, ahaztu bide bakarreko hitzaldi luzeetaz! Horren ordez, hitzaldi txikiak eta tailer inspiratzaileak izango ditugu Ekonomia Sozial eta Solidarioaren funtsezko hainbat gai ezagutzeko. Ondorengo galdeeri erantzungo diegu; Zer gertatzen da etxebizitza hutsekin? Zer dira etxebizitza komunitarioak? Zein da klima aldaketaren eta elikadura burujabetzaren arteko erlazioa? Zer da Sorkuntza proiektua? Ba al dago migratzaileen ekintzailetzarik Euskal Herrian?

Eta familiak, nola egingo dugu joateko? Ez larritu, Txikigunean hainbat jarduera eta jolas prestatu ditugu etxeko txikienak ere ondo pasa dezaten ikasten duten bitartean.

Eta festa on bat izateko, ezin gara ahaztu Txosnataz! bertan edan eta jateaz gain, Boga, Esnetik eta Ortutik Ahora-ri esker hainbat kata eta dastaketetan parte hartu ahal izango duzu.

Gogoratu #fESSta azaroaren 8 eta 9an ospatuko dela Bilbon, Zabalgune merkatuan, eta zuek guztiokin batera izatea espero dugu.

Ez izan zalantzarik, zatoz #fessta ospatzera!

fESSta Bideo Promo

Informazio gehiago  www.merkatusoziala.eus

Iturria: REAS Euskadi

Kapitalaren %100 langileen eskuetan dagoen enpresa estatubatuarrak jasoko du aurtengo saria. Izan ere, nahiz eta ez dagoen arau formalik, Gizarte Ekonomiako Txemi Cantera Nazioarteko Sariko Epaimahaiak bere egunean erabaki zuen urte batez espainiar estatuko hautagaitzak eta beste urtez bertatik kanpokoak sarituko zirela.

Jakina denez, epaimahaia ASLE-ko, UPV/EHU-ko GEZKI Institutuko, Eusko Jaurlaritzako Gizarte Ekonomiaren Zuzendaritzako, Deustuko Unibertsitateko Ikasketa Kooperatiboen Institutuko, Bizkaiko Aldundiko Ekonomiaren Sustapen Saileko eta Laboral Kutxako ordezkariek osatzen dute.

Aurten epaimahaiak Estatu Batuetan ikur diren “Esop” partaidetzako enpresa ereduan jarri nahi izan du arreta.

SRC Holdings Corporation Kapitalaren %100 langileen eskuetan dagoen enpresa da eta negozio nagusia bir-manufaktura da.

Informazio gehiago (gazteleraz) 165 zbkia. Gatza Aldizkarian (27-29 orrialdeak).

Iturria: ASLE