Gizarte Ekonomiari buruzko hainbat argitalpen inguruko nobedadeak biltzen dituen zerrenda aurkituko duzue hemen.
Bloga
-
Gizarte Ekonomia eta Solidarioko maiatzeko argitalpenak
Gizarte Ekonomiari buruzko hainbat argitalpen inguruko nobedadeak biltzen dituen zerrenda aurkituko duzue hemen.
-
Kooperatiben egonkortasun instituzionalaren inguruko jardunaldia, ekainaren 7an
Datorren ekainaren 7an Donostian GEZKI Gizarte Ekonomia eta Zuzenbide Kooperatiboaren Institutuak eta Ekai Center-en artean antolaturiko jardunaldian kooperatiben egonkortasun instituzionalaren inguruan arituko dira.
Lan kooperatiben inguruko eztabaidak zeresan handia eman izan du, baita bere lurralde ezarpenak ere. Izan ere lan kooperatiba ezberdinen artean diferentzia handiak aurkitzen dira. Gehienak txikiak dira eta ekonomian duten pisua marjinala izan ohi da. Euskal Autonomia Erkidegoko kasu konkretua salbuespena da.
Eztabaida honi erantzun bat emateko kooperatiben egonkortasun instituzionala giltzarria den aspektua da. Jardunaldian egonkortasun instituzionalean eragiten duten gai ezberdinak jorratuko dira, zeintzuk jadanik Ekai Center-en Working Papers-etan aztertuak izaten ari diren. Ikusi hemen (gazteleraz):
1._ESTABILIDAD_INSTITUCIONAL_COOPERATIVA.pdf
12._EL_COSTE_DE_LA_TOMA_DE_DECISIONES.pdf
15._TOMA_DE_DECISIONES_Y_NUMERO_DE_SOCIOS.pdf
16.IMPACTO_DE_LA_PARTICIPACION_EN_LA_ACTIVIDAD.pdf
16._NUMERO_DE_SOCIOS_EN_LAS_SOCIEDADES_DE_CAPITALES.pdf
16._NUMERO_DE_SOCIOS_Y_EMPRESAS_PERSONALISTAS.pdf
18._ASPECTOS_INSTITUCIONALES_DE_LA_ESTABILIZACION_EXTERNA.pdf
18._ESTABILIZACION_EXTERNA_Y_DEMOCRACIA_COOPERATIVA.pdf
18._LA_ESTABILIDAD_INST_COMO_RETO_ESTRATEGICO_DEL_COOP.pdf
18._REGULACION_EXTERNA_DE_LA_ESTABILIZACION_INSTITUCIONAL.pdf
19._COOP_DE_TRABAJO._UN_MODELO_DE_EXITOS_PUNTUALES.pdf
20.__EL_TRATAMIENTO_DEL_CAPITAL.pdf
20._LOS_GRUPOS_COOP_COMO_INSTRUMENTO_DE_ESTABILIDAD_INST.pdf
21.ESTABILIDAD_INSTITUCIONAL_Y_CLASES_DE_COOPERATIVAS.pdf
22._INTERESES_EMPRESARIALES_Y_POLITICA_ECONOMICA.pdf
22._CONTRADICCION_DE_INTERESES_Y_REGULACION.pdf
22._LAS_ASOCIACIONES_COOP_COMO_INSTRUMENTO_DE_ESTABILIZACION.pdf
22._LINEAS_DE_ACTUACION._PLANTEAMIENTO.pdf
22._METODOLOGIA_PARA_EL_TRATAMIENTO_DE_LOS_CONFLICTOS_DE_INTERES.pdf
24._SALIDA_DE_LA_CRISIS_Y_MODELO_DE_DESARROLLO.pdf
Iturria: GEEB
-
Gizarte Ekonomiaren inguruko argitalpen berriak
Gizarte Ekonomiari buruzko hainbat argitalpen inguruko nobedadeak biltzen dituen zerrenda aurkituko duzue hemen.
-
Etxebizitzaren arazoari Gizarte Ekonomiatik erantzunez
Etxebizitza eta Gizarte Ekonomia ez dira hertsiki loturiko kontzeptuak eta esparruak izan gurean. Etxebizitza, merkatuaren arlo pribatuan edota politika publikoen eremuan kokatu izan dugu tradizionalki, baina gero eta gehiago dira etxebizitza beharrak bestelako era batean betetzeko helburuarekin sorturiko ekimen eta saiakera berritzaileak, gizarte ekonomiarekin erabat loturik.
Gai honi buruzko hausnarketa sakona egin nahi dugu GEZKI-tik, eta haatik, Etxebizitza Kooperatibei eskainiko zaie ikasturte honetan GEZKI-tik antolatuko den Jardunaldia. Zehatzago, aurtengo Gizarte Ekonomiako GEZKI-ren Jardunaldiak honako izenburua izango du: Etxebizitzaren arazoari Gizarte Ekonomiatik erantzunez / Respuestas desde la economía social a la problemática de la vivienda. Jardunaldi hau ikasturte honetako ekainaren 22an egingo da, Gipuzkoako Kanpusean, Donostiako Joxe Mari Korta eraikinean, hain zuzen ere.
Bertan zenbait ponentzia aurkeztuko dira, ondorengo gaiak sakonduz: etxebizitzarako eskubidea, nazioarteko etxebizitza kooperatibei buruzko esperientziak (Europako eta Amerikako eredu ohikoak aztertuz, Uruguay kasu), eta Euskal Autonomia Erkidegoan emandako etxebizitza kooperatiben errealitatea. Ondoren bi mahai borobil egingo dira, bata gure inguruan etxebizitza kooperatiba berriei buruzko esperientziak aztergai hartuz, eta bestea politika publikoen erronka eta aukerei buruz hausnarketa egiteko helburuz. Bi mahai inguru hauetan, aipaturiko esparruetan berebiziko ezagutza eta ardura duten aditu, ekintzaile eta politikariek parte hartuko dute, besteak beste, berriki sortzen ari diren esperientzien atzean bultzaka dabiltzan pertsonak, eta baita Euskal Autonomia Erkidegoan etxebizitzaren esparruan eginiko eta egingo diren politika publikoen arduradunak ere.
Uste dugu biziki interesgarri eta probetxugarria izango den Jardunaldi baten aurrean gaudela, zeinak egun bizi dugun arazo larriaren inguruko gogoeta egiteko eta honen aurrean bai Gizarte Ekonomiari orokorrean bai Etxebizitza Kooperatibei konkretuki irekitzen zaizkien aukerak identifikatzea ahalbidetuko digun.
Aitziber Etxezarreta Etxarri
GEZKI kidea
UPV/EHU-ko irakaslea
-
GIZARTE EKONOMIAREN EUSKAL ALDIZKARIA aldizkarirako artikuluak bidaltzeko deialdia
REVES aldizkaria izaera zientifikoa duen argitalpena da, 2004. urtean Euskal Herriko Unibertsitateko GEZKI Gizarte Ekonomiaren eta Zuzenbide Kooperatiboaren Institutuaren eskutik jaio zena. Artikuluak bidaltzeko epea maiatzaren 31 da.
Deialdi honetan bereziki izango dira kontuan etxebizitza-kooperatiben inguruko artikuluak, Gizarte Ekonomia eta Euskal Herriari buruzkoak eta euskaraz idatzitakoak.
Aldizkariak normalean Gizarte Ekonomia osatzen duten sektore ezberdinei arreta eskaini nahi die, hala nola sozietate kooperatiboak, lan-sozietateak, fundazioak edo mutualutateak, bestelako elkartze-mugimenduak eta bestelako elkartasun-talde moduak ahaztu gabe.
Paperean eta formatu elektronikoan argitaratzen den aldizkaria da, ISSN eta ISSN digitala dituelarik, eta datu-base ezberdinetan indexatuta dagoelarik (Latindex, ISOC, CIDEC, Dialnet, Dulcinea, Sherpa/Romeo, Ulrich’s, MIAR, ERIH Plus, Worldcat).
Aldizkariaren inguruko informazio gehiago, hemen.
Publikazio arauak eta artikuluak bidaltzeko informazioa, hemen.
Iturria: GEZKI
-
Euskadiko Kooperatiba Legearen erreformari buruzko konferentzia EHUn
Pasa den apirilaren 12an, Enpresa Zuzenbidearen gai ezberdinen inguruko hitzaldi zikloen bigarren jardunaldia egin zen UPV/EHUko Donostiako Zuzenbide Fakultatean. Oraingoan, Euskadiko Kooperatiba Legearen erreforma izan zen gai nagusia.
Jardunaldi honetan, Jokin Diazek, Eusko Jaurlaritzako Gizarte Ekonomiako Zuzendariak, eta Alfredo Ispizuak, Esko Jaurlaritzako Gizarte Ekonomiako Zuzendari-ohiak, parte hartu zuten. Hitzaldiaren lehenengo zatian, Gizarte Ekonomiaren inguruan aritu ziren, eta Jokin Diazek Europar Parlamentuko Gizarte Ekonomiako Taldean izan zuen partaidetzaren inguruan aritu zen, bertan, sektoreak gure lurraldean duen pisua azpimarratzeaz gain, Euskadiko Gizarte Ekonomiako Planaren aurkezpen orokor bat egin zuen. Bigarren zatian, Alfredo Ispizuak, Euskadiko Kooperatiben legearen aurre-proiektuaren aurkezpena egin zuen; oraingo legearekiko aldaketak eta araudi berriaren helburuak azaldu zituenak.
Iturria: OVES/GEEB
-
ASLE-k parte-hartze enpresak integratuko ditu
Euskadiko Lan Sozietateen Elkarteak (ASLE) hurrengo maiatzaren 11ko Kontseilu Orokorrean, lan sozietateez gain, Euskadiko langileek parte-hartutako enpresak integratuko ditu.
2015eko Lan Sozietateen legearen modifikazioaren ondoren, ASLEk bere estatutuak aldatu behar izan zituen, forma juridikoa kontutan hartu gabe, sozietatearen kapitalean edota emaitzetan langileek parte hartzea onartzen duten enpresak barne hartu ahal izateko.
ASLEren aldarrikapenetako bat izan zen parte-hartze enpresen integrazioa Lan Sozietateen Legean, Elkarteko gerente den Josetxo Hernandezek gogorarazi duen moduan, eta nota batean azaldu duenez “lan sozietateak parte-hartze enpresen artean nagusiena dira”.
ASLEtik adierazi dutenez, langileen parte-hartzea sustatzen duten Euskadiko 80 enpresa ingururekin kontaktuan jarri dira Elkartean barneratu daitezen.
Iturria: EFE Agentzia
-
Gizarte Ekonomiako proiektu berriak sustatzeko Gizarte Ekintzailetza Kongresua egin dute Iruñean
Kongresua Iruñako Udaletxeak eta CEIN (Centro Europeo de Empresas e Innovación de Navarra) arteko elkarlanari esker egin zen eta apirilaren 24 eta 26 bitartean eraman zen aurrera Nafarroako hiriburuan. Kongresu hau “Pamplona Emprende” proiektuaren barruan kokatzen da.
Proiektuak kooperatibagintza eta gizarte ekonomiako arloan ekintzailetza sustatzeko helburua du, gizarte parte hartzaileago eta bateratuago bat lortzeko duen potentzialtasuna duen sektore dela kontuan hartuz.
Proiektuaren lehen ekintzarekin, hau da, kongresuarekin, gizarte ekonomiak eskaintzen dituen aukera eta erronken inguruko ikuspegi orokor jaso zuten bertaraturikoek, gaian erreferenteak diren erakundeen eskutik.
Erakunde eta parte hartzaile horien artean unibertsitateetako institutuak aritu ziren (Gizarte Ekonomia eta Zuzenbide Kooperatiboko GEZKI Institutua eta LANKI Kooperatibismoaren Ikertegia), Ekonomia Sozial eta Solidarioko Elkarteak (ANEL Nafarroako Gizarte Ekonomiako enpresen elkartea eta REAS Ekonomia Alternatibo eta Solidarioaren Sarea), baita gizarte ekonomia eta ekonomia solidarioko esperientzia konkretuak ere (Ernaizu, KoopFabrika, Gure Sustraiak, Uztaldi, Denendako, Fiare, Energia Gara eta Mugitu Aventura).
Proiektuaren bigarren ekintza abuztuaren 31 eta abenduaren 21 bitartean izango da, 14 saiotan banaturik. Doakoa izango da, baina plaza mugatuak direnez izen ematea beharrezkoa da, Iruñako Udaletxe edo CEINen web orrien bitartez, ekainaren 22 bitartean.
Iturria: CEIN
-
KONFEKOOP SPRI-n sartu da
KONFEKOOP, Euskadiko Kooperatiben Konfederazioa, Eusko Jaurlaritzaren enpresa garapenerako agentzia den SPRI-ren Administrazio Kontseiluan sartu da.
Ordezkaritza hau KONFEKOOP erakunde eta estruktura ezberdinetan kooperatiben presentzia bermatzeko aurrera daraman lan ildoan barneratzen da. Barneratze honekin, gainera, kooperatibagintzak Euskal Autonomia Erkidegoko ehun ekonomiko eta sozialean duen ekarpen eta garrantzia aitortzen da.
Iturria: TuLankide