Eta gehienak kooperatiba txikiak izan direla, kooperatiba eta lan sozietate mugatuek jarraitzen dietelarik? Eta guztien artean ia 600 bazkide berri metatzen direla? Eta horietatik %65 gizonezkoak direla, eta emakumezkoak %35?
Hauek dira Euskal Autonomia Erkidegoko Kooperatiben eta Lan Sozietateko Erregistroetatik ateratzen diren datu esanguratsuetako batzuk.
Bataz beste, euskal Gizarte Ekonomiako erakunde berri bakoitzak 3 pertsona barneratu ditu aktibitate ekonomikoren batean, zeintzuetatik 2 gizonezkoak diren eta 1 emakumezkoak. Bazkideen datuak gertuagotik aztertuta, ikusten dugu erakunde sortu berri gehienak oso txikiak (2-3 pertsonetakoak sorturiko guztien %78 dira) edo txikiak (4-9 pertsonetakoak: %18) direla, eta oso erakunde gutxi dira 10 bazkide baino gehiagorekin sorturikoak (soilik %4).
Kooperatiben kasuan, soilik sorturiko enpresa guztien %8etan aurkitzen dira bazkide sustatzaileen artean erakunderen bat. Lan Sozietate Mugatuei dagokienez, gehiengoak langile-bazkideak dira (%87), bazkide-kapitalisten aurrean.
Sorturiko enpresen tamaina txikia ezaugarritzen duen beste datu bat hasierako Kapitalean aurkitzen dugu. Izan ere, Gizarte Ekonomiako ekimen guztien ia %40ak 3.000 euro baino gutxiagorekin eman ditu bere lehen pausuak. Beste hainbestek 3.000 eta 10.000 euro arteko hasierako Kapitala izan dute, eta soilik %5ak hasi du bere ibilbidea 25.000 eurotik gorako Kapitalarekin.
|
Hasierako kapitala (€) |
Erakundeak | (%) |
| 0-3.000 | 71 | 37% |
| 3.001-10.000 | 73 | 38% |
| 10.001-25.000 | 23 | 12% |
| 25.001etik gora | 10 | 5% |
Amaitzeko, jarduera sektoreari erreparatuz gero, sorturiko erakundeetatik erdia baino gehiago Zerbitzu sektorera bideratua dagoela ikusten da, Eraikuntza sektoreak %38 suposatzen duen bitartean. Industria eta Lehenengo sektorera bideraturiko ekimen ekonomikoak, aldiz, nahiko apalak dira kuantitatiboki, %8 eta %3ak direlarik hurrenez hurren.
Iturria: GEEB
Utzi erantzuna