GIZATEAk — Euskal Autonomia Erkidegoko Gizarteratze Enpresen Elkarteak — bereGizarte Memoriaren atariko emaitzak argitaratu ditu. Memoria honek 2025ean Gizateako kide ziren 40 laneratze-enpreseei buruzko informazioa eta azterketa biltzenditu.
Emaitzak berrikustera gonbidatzen zaitugu ondorengo esteka honetan:
https://www.gizatea.net/eu/presentacion-de-la-memoria-social-2025-de-las-empresas-de-insercion-de-euskadi/
2026ko ekainean ofizialki abiarazi zen, Europako Interreg POCTEFA programaren barruan. Aurrekaririk gabeko proiektu honek EAE, Nafarroa eta Akitania Berriko eragileak biltzen ditu, mugaz gaindiko lankidetza indartzeko eta behatze-tresna komun bat eraikitzeko helburuarekin, gizarte eta elkartasun ekonomiaren errealitatea hobeto ulertu ahal izateko.
Animatu eta parte hartu datorren urriaren 21ean Iruñean egingo den kooperatibismoari eta gizarte eta elkartasun ekonomiari buruzko mugaz gaindiko hirugarren topaketan.
https://docs.google.com/forms/d/e/1FAIpQLSc0VfenWvXi9tpNY7sICukS0_hQMB-wuqjZj90H6rAG0q6vIg/viewform
Eguna eta ordua: irailak 28, 16:30
Lekua: EHUko Ekonomia eta Enpresa
Fakultateko ekitaldi aretoa (Oñati Plaza, 1 – Donostia)
Jardunaldia ikasleei zuzendutako aurkezpen eta ongietorri saio instituzional batekin hasiko da. Bertan parte hartuko dute Jokin Díaz, Eusko Jaurlaritzako Gizarte Ekonomiaren zuzendariak; Aitziber Lertxundi, EHUko Ekonomia eta Enpresa Fakultateko (Gipuzkoako Atala) dekanoorde koordinatzaileak; eta Aitziber Etxezarreta, GEZKI Institutuko zuzendariak (EHU).
Ongietorriaren ondoren, inaugurazio-hitzaldia egingo da, «Euskal Mugimendu Kooperatiboaren soziohistoria: ziklo kooperatibo berri bat Euskal Herrian» izenburupean. Hitzaldia Miguel de la Fuente Cosgayak emango du, Mondragon Unibertsitateko LANKI Kooperatibismoaren Ikerketa Institutuko ikertzaileak. Esku-hartzea Miguel de la Fuenteren doktorego-tesian oinarritzen da. Lan horrek Euskal Herriko kooperatibismoa historikoki eratu duten matrize ideologikoak eta identitate kooperatiboa eraikitzeko mekanismoak aztertzen ditu.
Ikerketak euskal kooperatibismoaren lau ziklo historiko nagusi bereizten ditu: Gerraurreko Kooperatibismoa, Beharraren Kooperatibismoa, Ongizatearen Kooperatibismoa eta Ziklo Kooperatibo Berria. Azken hori erreferentzia ideologiko eta sozial berrien agerpenak ezaugarritzen du. Horien artean nabarmentzen dira feminismoa, ekologismoa, euskararen defentsa eta Gizarte Ekonomia eta Ekonomia Solidarioaren printzipioak. Elementu horiek mugimenduaren barruko praktika kooperatiboak nahiz kidetasun eta identifikazio moduak birdefinitzen ari dira.
Hitzaldiak aukera paregabea eskainiko du Euskal Herriko fenomeno kooperatiboaren oraina eta etorkizuna ulertzeko gako berriak ematen dituen ikerketa baten ondorio nagusiak ezagutzeko. OVESetik Gizarte Ekonomia eta Ekonomia Solidarioan, kooperatibismoan eta lurralde-garapenean interesa duten pertsona guztiak gonbidatzen ditugu inaugurazio-ekitaldi honetan parte hartzera. Ekitaldi honek gizarte-ekonomiaren esparruan erreferente den master baten edizio berriari hasiera emango dio.
Ikerketa honetan sakondu nahi duten pertsonek doktorego-tesiaren testu osoa GEZKIren webgunearen bidez kontsulta dezakete:
https://www.gezki.eus/pdfs/a4f8f65b35.pdf
2026ko ekainaren 19an, Azpeitian egingo da “Lurra, eskubidea eta elikadura. Nekazaritza eta elikadura sistema ikuspegi juridikotik politika publikoetan” jardunaldi akademikoa; ekimen honek lege‑esparrua nekazaritza‑elikadura sistemen etorkizunari buruzko eztabaidaren erdigunean jartzea proposatzen du. Topaketa Elikagunean izango da, 9:00etatik 17:30era, eta aurrez aurreko formatua izango du.
Udako Euskal Unibertsitateak (UEU), EHU‑Gezki, Biolur, Landaola eta Ekintzakoop erakundeekin batera antolatuta, eta Elikagunea zein Azpeitiko Udalaren laguntzarekin, jardunaldia nekazaritza eta elikadura sistemek bizi duten krisi anitzaren diagnostikotik abiatzen da, baita horien konfigurazioan eta eraldaketan esparru juridikoak duen zereginetik ere.
Mirene Begiristain Zubillagak koordinatuta, saioak hausnarketa kolektiborako gune bat sortzea du helburu, esperientzia praktikoetatik abiatuta, Euskal Herriko esparru juridikoaren erronkak eta aukerak aztertuz, bereziki politika publikoen ikuspegitik.
Jardunaldia nekazaritza, agroekologia eta elikadura burujabetzaren arloetan lan egiten duten pertsonei zuzenduta dago, proiektu komunitario, kooperatibo edo eraldatzaileetako kideei, baita zuzenbide, politika publiko edo lurralde‑antolamenduko ikasle eta profesionalei, gizarte‑mugimenduetako kideei eta eragile sozioekonomikoei ere. Ez da beharrezkoa aldez aurretik prestakuntza juridikoa izatea.
Data: 2026ko ekainaren 19a (ostirala)
Lekua: Elikagunea, Azpeitia
Ordutegia: 9:00–17:30
Modalitatea: Aurrez aurrekoa
Iraupena: 10 ordu
Matrikularen hasiera: 2026ko maiatzaren 11
Matrikularen amaiera: 2026ko ekainaren 15
EHLABEk 2025eko Balantzea aurkeztu du, Euskadin desgaitasuna duten pertsonen enplegagarritasunaren arloan azken urtean lortutako emaitza eta aurrerapen nagusiak biltzen dituen dokumentua. Datuen arabera, enplegu inklusiboak bilakaera positibo eta jarraitua izan du: gizarte‑ekimeneko Enplegu Zentro Berezietan 8.746 pertsona ari dira lanean, orain arte erregistratutako zifrarik altuena.
Balantzeak kalitatezko enplegu egonkorra sendotzen ari dela erakusten du, bereziki laguntza‑behar handienak dituzten pertsonei zuzendua; talde horiek dagoeneko plantillen %59 dira. Gainera, Euskadik Estatu mailako jarduera‑tasarik altuena mantentzen du arlo honetan, gizarteratze soziolaboralean erreferente gisa duen posizioa sendotuz.
Halaber, dokumentuak EHLABEko erakundeek sortutako balio soziala jasotzen du, familietan, enpresetan eta administrazio publikoetan duen eragin positiboa, eta lankidetzan, jasangarritasunean eta ekonomia sozialean oinarritutako euskal eredua indartzea.
Deskargatu 2025eko Balantze osoa
2026ko maiatzaren 25etik 29ra, Euskal Herriko Unibertsitateko (UPV/EHU) Ekonomia Sozial eta Solidarioko Masterrean aurreinskripziorako bigarren epea zabalduko da. Masterra erdi-presentziala da eta ikasturte bateko iraupena du. Programa bokazio profesionala duten zein ikertzaile izan nahi duten pertsonei zuzenduta dago.
Master honek gizartearen behar bati erantzuten dio: balio etiko eta solidarioetan oinarrituta jardungo duten profesionalak eta gizarte zein ekonomiaren eraldaketarako eragileak prestatzea.
Horretarako, prestakuntza-programak alde teorikoa biltzen du, ekonomia sozial eta solidarioaren izaera eraldatzaileari buruz, eta baita alderdi praktikoak ere, sektorearen egungo egoerari dagokionez, hala nola araudia, politikak eta egungo nahiz etorkizuneko laguntza-tresnak.
Masterraren izaera aplikatua ekonomia sozial eta solidarioaren errealitatera egokitzen da, sektoreko enpresen kudeaketarako lan‑tresnen ikaskuntzaren bidez; tresna horiek pertsonak lan‑prozesuen eta aldaketa ekonomiko eta sozialaren erdigunean jartzen dituzte. Masterrak sarbide zuzena ematen du UPV/EHUko Garapenari buruzko Ikasketen Doktoretza Programara.
Arakatu Ekonomia Sozial eta Solidarioko Masterraren xehetasunak
Ekonomia Sozial eta Solidarioaren erreferentziazko bi urtez behingo topaketak berriro ere erakundeak, enpresak, gizarte‑mugimenduak eta herritarrak bildu ditu, egungo erronkei buruz hausnartzeko «Arauak aldatzen. Aberastasunaren banaketa justua» lelopean.
2026ko maiatzaren 8tik 10era Iruñean egindako jardunaldietan, funtsezko gaiak landu ziren, hala nola ekitatea, jasangarritasuna, lan duina eta, bereziki, aberastasuna nola sortzen, banatzen eta mantentzen den berriz pentsatzeko beharra, ikuspegi komunitario eta eraldatzaile batetik.
Ikusi gogoeta guztiak bideoetan. Bertan, IDEARIA 2026n partekatutako proposamenak aurkituko dituzu, pertsonen eta lurraldeen zerbitzura dagoen ekonomia bultzatzeko.
Zertaz ari gara Aberastasunaren Banaketa Justuaz hitz egiten dugunean?
1 ARDATZA
Deshazkundeko Ekonomia Solidarioa: totum revolutum ala munduko gauzarik logikoena?
2 ARDATZA
Fiskalitatea, birbanaketa eta gizarte‑justizia
3 ARDATZA
Aberastasuna eskuratzeko arrakalak: generoa, jatorria eta lurraldea
4 ARDATZA
Kontsumo kontzientea: banakakotik kolektibora, pribilegiotik eskubidera
5 ARDATZA
Publikoa hedatzen: politika publikoen koprodukzioa ESSetik
ARDATZA 6
Beste lan‑politika bat bestelako ekonomietarako
Tokixanek ekintzailetza agroekologiko kooperatiboari buruzko prestakuntza‑ikastaroaren lehen edizioa abiaraziko du. Lehen sektorean ekoizpen‑proiektu berriak baldintza duinetan garatu nahi dituzten pertsonei bidea egiten laguntzea du helburu ekimenak. Ikastaroa 2026/2027 ikasturtean zehar eskainiko da.
Programaren diseinuan erreferentziazko eragileek parte hartu dute, hala nola Biolurrek, Ekintzakoop‑ek, Mondragon Unibertsitateko eta Euskal Herriko Unibertsitateko (EHU‑UPV) langileek. Halaber, adituak eta proiektu agroekologiko eredugarriak arituko dira formatzaile lanetan.
Ikastaroa Gipuzkoako hainbat udalerritan garatuko da, prestakuntza‑fasearen arabera:
Prestakuntza arlo honetan espezializatu nahi duen edonorentzat irekia dago, eta bereziki etorkizunean proiektu agroekologiko bat martxan jarri nahi duten pertsonentzat. Ikastaroa 2026ko azarotik 2027ko ekainera bitartean garatuko da, guztira 390 orduko iraupenarekin, eduki teorikoak eta praktikoak uztartuz.
Izen‑emateko epea 2026ko apirilaren 15etik ekainaren 15era egongo da zabalik. Izena Tokixanen webguneko formazio atalean eman daiteke edo tokixan@tokixan.eus helbidera idatzita.
Ikastaroak gehienez 20 plaza izango ditu, eta bi tarifa eskaintzen ditu: 150 € ikastaro osoarentzat eta 50 € sarrera‑faserako.
Xehetasun gehiago: https://tokixan.eus/tokixan-egitasmoak-ekintzailetza-agroekologiko-kooperatiboa-sustatzeko-bere-lehen-ikastaroa-aurkezten-du-20260422/
